சிம்பு ன் ..பி.எம்.டபிள்யு. எக்ஸ் 6

சிம்பு இப்போது புதுசாக கார் வாங்கிவிட்டார். இது அவருடைய கனவு காரும் கூட. பி.எம்.டபிள்யு. எக்ஸ் 6 என்னும் காரை வாங்க வேண்டும் என்று சிம்பு ரொம்ப நாளாகவே ஆசைப்பட்டுக் கொண்டிருந்தார்.
இந்தக் காரை அந்த நிறுவனம் சுமார் ஒரு வருடங்களுக்கு முன்பு அறிமுகப்படுத்தி விற்பனைக்கு இறக்கியது. இந்த காரை சிலம்பரசன் டீலரிடம் புக் செய்திருந்தார். இந்தக் கார் சமீபத்தில் சிம்புக்கு டெலிவரி செய்யப்பட்டது. தமிழ் சினிமாவில் முன்னணி நடிகர் விஜய், தனுஷ் மற்றும் நயன்தாராவிடம் இந்த கார் இருக்கிறது

'அசலி'ல் ஆட்டம் போடும் சிம்பு

இன்னும் அதிகாரப்பூர்வமாக அறிவிக்கபடவில்லை என்றாலும் காத்துவாக்கில் பல காதுகளை சென்றடைந்து வருகிறது இந்த செய்தி.
அஜித் நடிக்கும் 'அசல்' படத்தில் சிம்பு கௌரவவேடத்தில் நடிக்கப்போகிறார் என கூறப்பட்டது. 'அசல்' தயாரிப்பு தரப்பில் மறுக்கப்பட்டு வந்த இந்த செய்தியில் கொஞ்சம் உண்மை இருக்கிறது. அதாவது ஒரே ஒரு பாடலுக்கு மட்டும் ஆட்டம் போடப்போகிறாராம் சிம்பு. இப்பாடலை சிம்புவே தனது சொந்தக்குரலில் பாடப்போவதாகவும் சொல்லப்படுகிறது. அடிப்படையில் அஜித்தின் தீவிர ரசிகர் சிம்பு. அவரது படங்களில் ஒரு சீனிலாவது அஜித் புகழ் பரப்பாமல் இருந்ததில்லை. அந்த வகையில் சிம்புவுக்குள் ரொம்ப நாளாகவே 'தல' படத்தில் ஒரு சீனிலாவது தலை காட்டவேண்டும் என்ற ஆசை இருந்ததாம். தனது எண்ணத்தை அஜித்திடம் நேரடியாகவே ஒருமுறை சொல்ல, 'அசலி'ல் அதற்கான சந்தர்ப்பத்தை ஏற்படுத்திக் கொடுத்துள்ளாராம் அஜித். மலேசியாவில் படப்பிடிப்புகள் முடிந்ததும் சிம்பு நடனத்திற்காக சென்னையில் பிரம்மாண்ட செட் போட்டு படமாக்கப்போகிறார்களாம்